SIPAHABANG LOSUNG SITOLU MATA

Oleh : BPK USMAN SILALAHI Hasil hatoranganni bp N Silalahi sidebang (lengkap dht rekaman soarana) Nasogot tgl 2Mei borhat do ahu.manjumpangi bapa uda N.Silalahi tu bagasna di Jln.Pisang pem.siantar patakkas hon taringot Datu Sipahabang Losung Sitolu Mata. adong opat bagian napinatorang na ima : 1.Ndang dilului.damang dht dahahang ahu. 2.Boa....boa.....borua 3.Datu Sipahabang Losung. 4.Toke/pengumpul horbo. 1.Dang dilului damang dht dahahang ahu. Dinasahali borhat do hami dht paribanku tu Samosir ima lao jiarah tu tinamborni ompung sian simatuakku jala ditogihon paribanku ma ahu manopot sada datu diluat i;dung sahat hami dibagas i nunga torop angka nalao marubat.jala hundulma hami jonok dibaba ni pintuni bagas i;dung diida datu i hami dihilap ma dompak hami alai ndang huboto hami ise sian hami natolu nahinilap nai,hape ahu do;huhutma didok.datu i... "Nunga be ro anak ni damang sian bonapasogit.pasisi hamu jo dalan i ninna tu natorop dibagas i;nunga pola songon lelengna on dope ro anak ni damang tu bagas hon. dipahundul ma ahu disiamunna jala dibuat ma anggir naumbolon diseat marhaliang huhut dibuat ma sawan sada apala naumbalga sian napitu sawan i dibaen ma aek jala dilehon inumonku onma songon aek sipaulak hosa loja minumma ninna tu ahu. jala dinamanambari angka natorop i didok ma tuahu dongani ahu disiamunhon ma ho. huhut mardongan biar jala nunga mondok ondok ahu..salpu ma angka parubat i didokma tu ahu silalahi do ahu(ompung nasorop tu datu i do namangkatahon) pomparan ni Raja Silalahi do ahu;tolu ma hami uju i diboan deba sian luat ni damang jala mangaloppat ma ahu huhut marlojong malua ma ahu sian i jala tinggal ma diluat on ndang mulak tuluat ni damang."Hansit rohangku ndang dilulu damang dahahang ahu. jala ahu ma namargoar "Datu Sipahabang Losung sitolu mata. 2.Boa... boa.. borua. on namancaritahon on ima bapa tuakku ni bp uda.silalahi ondeng. Dung malua ibana sian namamboan nasida.i mardalan ma ibana ditopi ni pasir i.molo mauas ibana aek ni tao i ma diinum ninna jadi diida na sada liang donok tu tolping i..jala adong bogas ni pat dibabani liang i..mauliate ma diliang on ma ahu tinggal dang pola pature bagas ninna rohana..huhutma digorahon.. boa..boa... borua.ninna alus na sibagas i..jala diulakhon manggora. boa... boa... borua..maralus muse..jaka didokma jolma doho manang begu dialusima jolma..ninnamasuk ma ibana diidama sada boru boru nunga denggan bortianna jala disukkun boru aha doho dialusima boru simbolon,manang baoa manang boru nadibortianmi anakhu mai gabe mardongan saripe ma nasida sorang sada poso poso baoa jala on nunga diboto inong ni boru simbolon i alana sai ditarui do sipanganon ni borunai ganup ari huhut ma dipaboa tu parhalang uluna bahwa boru nai nunga marsaripe tu marga silalahi sian dairi..las marohani among nai..dang sadia leleng diboanma posoposo i paebathon tu ompungna jala ihando diboan tu simatua nai huhut ma dipaboa goarni posoposoi ima Silalahi Raja ni Tolping jala maisolat ma nasida di Tolping Alai molo anak sipaidua .dibahen do margoar haloho. 3 Datu Sipahabang losung sitolu mata. barbada ma najolo antara Situmorang dht Tolping jala parbadaan i ima antara Datu Marga Tumorang dht datu na adong di Tolping ima datu marga Silalahi i.diparo ma udan dht alogo namarhaba haba huhut ma dipahabang losung dibaen datu marga situmorang jala dabu donok tu bagas ni datu Silalahi na di tolping i..narnida i dipaulakma dihabangkon datu i.dompak huta ni situmorang i songon nima sampe 7 hali mulak ulak jala na papituhalihon i ndang boi be dipaulak situmorang i losung i ..talu ma nasida .jala losung i nuaeng boi do idaon di Gaja ni huta dilontung..jala marsakkap do pomparanni situmorang naeng mamakke losung i jala ndang boi dipaeret jalahot do miring parhundulna..jala losung i nunga huida jala hujama ganjang na nasa balok jala bolakna nasa bolak ni meja tamu..jala pas do i ditopi ni dalan ndang boi sembarangan mamereng jala manjama losung i sojo marsantabi. 4.Tokke horbo dinasahali borhat do ahu tu silampuyang lao manuhor horbo ala ulaonku martiga tiga jagal horbo do ahu jala topat adong patuduhon dongan ma ahu tu marga silalahi topat ibana ndang apala tokke horbo alai molo.adong manjual horbo sai tu ibana dijual dihutani..molo.sodijual ibana horbo i.gabe dipahani.dung hudapothon ma. marsitandaan ma pintor ninna ma tua ahu silalahi tolping do ahu ho silalahi jadi abang mu do ahu..jala hudok ma molo huida sian umur marbapa ma ahu..nikku jala silalahi tolping ima sai dihatahon tuahu.hualusi ma among huboto hamu silahi tolping i ima anak ni Sihaloho do..pintor muruk ibana.... sian dia diboto.ho..ninna tor hudokma ahu nunga langsung mangkatai dohot datu Sipahabang losung di samosir jala didok do ibana sihaloho jala ndang.olo ibana mulak tu bona ni pasogit hansit rohana mida among dht hahana ala so dilului ibana uju nabinuat ni deba (suruanni sibagot ni pohan).jala losung i nunga huida jala hujama. pintor sip ma silalahi tolping parsilimpuyang.i. KESIMPULAN SIan hatorangan ni bapak uda N Silalahi sidebang on ima. 1.Bahwa silalahi tolping i ima keturunan ni marga haloho jala goarna ima silalahi raja ni tolping jala anggina tinodohonna hot marga haloho 2Tolping ndang huta na pinukka ni Silalahi Raja ni Tolping paisolat do nasida di tolping tung pe goarna Rajani Tolping. 3.Sesuai buku naginurithon batara sangti simanjuntak ima sian tarombo ni haloho ima sundut paduahon sian silahi sabungan ima 1.Siborno 2.Sinapuran 3.Sitolping ( hot marga silalahi). 4.Toho do ina ni silalahi raja ni tolping boru simbolon alai ndang sipinta haomasan boru ni nai ambaton...jala amongna ima sian gomparan ni sihaloho. Mauliate ma hudok tu bapa uda N Silalahi sidebang i.mulak ma ahu tu bagashu. hugurithon on tujuanku asa adong sada pertimbangan tu angka dongan namandok silalahi raja nasida boi muse lam patotahon tarombo ni nasida. Pangidoanku marhite mediaon ise sian hita boi lao mamereng batu losung sitolu mata i ima di gaja ni huta di lontung asa dipoto jala disebarkan dimedia on.mauliate mardongan.horas.. Usman Silalahi's photo.