Wawancara Ekslusif

David Spener Sihombing/Br. Silalahi

Kutipan Wawancara Majalah Silahisabungan dengan M Tambunan Pematung TumarasWawancara eksklusif Pemimpin Redaksi Majalah Raja Silahisabungan dengan Pematung Tugu/Makam Raja Silahisabungan,MANGANTAR TAMBUNAN.

1. Pertanyaan : Songon dia do tahe caritana asa dohot Bapauda laho mangkobasi pembangunan Tugu/Makam Raja Silahisabungan ?
Jawab : Atas pangidoan ni Panitia Pembangunan Tugu Silahisabungan do ditingki i.

2. P : Nandigan do dimulai pembangunan Tugu/Makam i ?
J : Fisik bangunan dimulai tahun 1964-1981 alai relief dan ornamen na mulai dikarejoi Juli 1981.

3. P : Behado ceritana asa boi pintor dihobasi Bapauda manggorga manang mamatung Tugu/Makam jala gabe pas tu pangidoan ni ompungta Raja Silahisabungan ?
J : Martamiang tu Tuhan i asa dipasonggop tu nipi dohot tu hayalan berupa ilham ro tu iba. Ai nunga parjolo ditorsa-torsahon angka natua-tua mengenai kehidupan ni Ompunta Silahisabungan .

4. P : Aha do tanda2 molo so toho manang salah ditingki namanggorga/mamatung Tugu/Makam i ?.
J : Molo so toho manang salah parkarejoan i, adong do kesulitan manang kendala asa batal rencana, baru nigantima museng jala naso sian pamotoan ditolopi angka pomparan ni ompu na di pasgit i do na tingkos didokhon nasida.

5. P : Taon sadia do dimulai dihobasi Bapauda Tugu/Makam i ?.
J :Mulai tahun 1964 do dimulai dikarejoi alai adong ma kesalahpahaman antara Silalahi nasian TOLPING, gabe mandek ma angka gugu toktok sehingga terbengkalai ma pelaksanaan ni Tugu Silahisabungan jala ujungna dipasidung amanta GM Silalahi (BT) ma karejoi dohot biaya sian bapak i sandiri 63 juta nungai termasuk upah tu tukkang.

6. P : Piga halak ma jumlah ni tukkang laho manghobasi di tingki i ?.
J : Anggo tukkang jumlah na resmi ndang tontu alai minimum ma 8 halak. Alai molo porlu ditingkina dilibathon parkarejo, manambai na adong asa humatop sae karejo i.

7. J : Ditingki nalaho paborhathon si Raja Tambun Ompunta Silahisabungan, dipapungu ompu i do anak na 8 i dohot boruna songoni nang Omputta boru Padang Batanghari di pogu ni alaman. Jala ditingki proses penyelesaian ni relief ni Omptta Silahisabungan na adong do pangidoan ni Opputta i tu hami laho mangido sada CINCIN sumbuk lao naeng pasahaton ni Ompu i tu anakna si Raja Tambun sesuai dohot janjina dohot boru ni Raja Manurung asa boi ditanda anakna imanang si Raja Tambun molo pajumpang. Manang na boha i antong hami pe so taringot mengenai cincin i sampe tu na sidung relief i.

Alai heranna ro do sahala ni Ompu i, maponggol do jari-jari Ompu i sada, sampe marturut-turut tolu borngin i, jadi ala so boi gomos parsambungan jari-jari na i. Dung sogot na i hot ma antong parsambungan jari-jari ni Ompu i, baru pe antong asa sadar hami na seharusna ingkon adong do antong cincin i songon pangatar ni si Raja Tambun tu Sibisa, ima huta ni tulangna.

8 P :Boha do lapatan ni Poda sagu-sagu marlangan i ?
J : Poda sagu-sagu marlangan rap manapikhon anakna 8 i di sagu sagu jala dipangan be dohot lapatanna asa diparmudarhon jala dipardaginghon songon na nipodahon Ompunta i.

9. P: Boha do angka renta ni roha ni pomparan ni Ompu i di Silalahi Nabolak ditingki namangkarejoi Tugu/Makam I ?
J : Boi dohonon tiap ari do ro angka nasa pomparan ni Ompu i laho mangalehon hami tukkangna mangan indahan dohot maritak gurgur. Hape na so panagaman marsibahen napuranna be ma nasida songon manungkun obat ni angka parsahiton nasida. Hami tulak do nian alai marsigogo nasida mangidohon asa marpangidoan hami tu sahala ni Ompu i asa diobati angka sahitna be. Ba iba pe antong martamiang ma tu Tuhan i dohot sahala ni Ompu i sian pos niroha ingkon malum sahit nasida.

10. P : Aha do na berkesan dung sidung dikarejoi Bapauda Tugu/Makam i ?
J : Sidung sian karejo i pittor hutanda ma inanta pardijabu jala sabulan nari saut ma hami marumahtangga jala marumur ma disi ahu 39 tahun, inanta 24 tahun.

Disalin sesuai aslinya oleh David Spener Sihombing dari Majallah Triwulan RAJA SILAHISABUNGAN Edisi Khusus 20-21 November 2010,